У дзень цвярозасці ў Царкве ўзносяць асаблівыя прашэнні пра залежных ад алкаголю і наркаманіі

11 верасня Праваслаўная Царква ўспамінае дзень Усекнавення галавы святога Прарока, Прадцечы і Хрысціцеля Гасподняга Іаана. Яго падзвіжніцкае жыццё завяршылася пакутніцкай смерцю, якую ён прыняў за выкрыванне граху бязбожнага цара Ірада. Прарок быў абезгалоўлены падчас п'янага балявання. У гэты дзень выконваецца строгі пост і адзначаецца Дзень цвярозасці.

Патрыяршы Экзарх прыняў удзел у XXVII З'ездзе Беларускага Чырвонага Крыжа

8 верасня 2026 года ў Мінску адбыўся XXVII З'езд Беларускага Чырвонага Крыжа, у якім прынялі ўдзел дэлегаты з усёй краіны, прадстаўнікі органаў дзяржаўнага кіравання і міжнародныя партнёры.

У Музеі рэдкай кнігі горада Касцюковічы была прадстаўлена экспазіцыя Беларускай Праваслаўнай Царквы з унікальнымі выданнямі: старадрукаванымі кнігамі XVI-пачатку ХІХ стагоддзяў і факсімільнымі копіямі рукапісных Евангелляў XII-XVI стагоддзяў

На выставе экспанаваліся пяць факсімільных копій рукапісных Евангелляў — Полацкае Евангелле XII-пачатку XIII стагоддзя, Лаўрышаўскае Евангелле канца XIII — пачатку XIV стагоддзя, Жыровіцкае Евангелле XVI стагоддзя, Евангелле XV стагоддзя Мінскага Свята-Духава манастыра, Слуцкае Евангелле XVI стагоддзя.

На базе прыхода храма іконы Божай Маці «Усіх гаротных Радасць» горада Мінска адбылося экалагічнае мерапрыемства, прымеркаванае да Дня малітвы аб Божым стварэнні

4 верасня 2026 года ў рамках супрацоўніцтва Беларускай Праваслаўнай Царквы і Міністэрства прыродных рэсурсаў і аховы навакольнага асяроддзя Рэспублікі Беларусь на базе прыхода храма іконы Божай Маці «Усіх гаротных Радасць» горада Мінска адбылося экалагічнае мерапрыемства, прымеркаванае да Дня малітвы аб Божым стварэнні.

У горадзе Брэсце адбылася Міжнародная навуковая канферэнцыя «Праваслаўе ў гістарычных лёсах славянскіх народаў. 430-годдзе Праваслаўнага Брэсцкага царкоўнага сабору»

3 верасня 2026 года па благаславенню архіепіскапа Брэсцкага і Кобрынскага Іаана на базе мемарыяльнага комплексу «Брэсцкая крэпасць — герой» адбылася Міжнародная навуковая канферэнцыя «Праваслаўе ў гістарычных лёсах славянскіх народаў. 430-годдзе Праваслаўнага Брэсцкага царкоўнага сабору».

Беларускі прафесійны саюз банкаўскіх і фінансавых работнікаў і Беларускі Экзархат правялі дабрачынную акцыю «Прафсаюзы — дзецям»

Па выніках акцыі дапамога была аказана дзесяці школам па ўсёй рэспубліцы. Усяго было сабрана каля 20 000 беларускіх рублёў. Гэтыя сродкі будуць накіраваны на ўмацаванне матэрыяльна-тэхнічнай базы ўстаноў адукацыі.

У Салігорску пройдзе міжнародны праваслаўны фестываль «Радасць»

Мерапрыемства адбудзецца па благаславенню Мітрапаліта Мінскага і Заслаўскага Веніяміна, Патрыяршага Экзарха ўсяе Беларусі, кіраўніка Салігорскай епархіі, пры падтрымцы Салігорскага раённага выканаўчага камітэта. Арганізатарамі выступаюць Мінскі Свята-Лізавецінскі манастыр і праваслаўнае сястрыцтва горада Мінска.

2 верасня ў сталіцу Дня беларускага пісьменства — горад Касцюковічы адправіцца з Мінска XXXIII Міжнародная навукова-асветніцкая экспедыцыя «Дарога да святыняў»

Сёлета экспедыцыя пройдзе па тэрыторыях Мінскай, Пінскай, Барысаўскай і Магілёўскай епархій па маршруце: Мінск — Святое Поле каля вёскі Загор'е Баранавіцкага раёна Брэсцкай вобласці — горад Беразіно Мінскай вобласці — горад Клічаў Магілёўскай вобласці — горад Бабруйск Магілёўскай вобласці — горад Магілёў — горад Горкі Магілёўскай вобласці — горад Мсціслаў Магілёўскай вобласці — горад Касцюковічы Магілёўскай вобласці. Працягласць маршруту складзе 1270 кіламетраў.

Мітрапаліт Веніямін узначаліў прастольнае свята крыптавага храма прыхода свяціцеля Мікалая Цудатворца пасёлка Прывольны Мінскага раёна

Пасля вялікага ўваходу яго Высокапраасвяшчэнства здзейсніў іерэйскую хіратонію клірыка прыходу дыякана Дзімітрыя Данілевіча.

У дзень Мінскай іконы Божай Маці ў сталіцы Беларусі завяршылася шэсце дзевяцідзённага Усебеларускага хрэснага ходу «Жыровічы-Мінск»

Да малітоўнага шэсця па праспекце Пераможцаў горада Мінска далучыліся шматлікія святары, жыхары і госці горада, у тым ліку з іншых краін — Расіі, Украіны, Эстоніі, Нідэрландаў і Германіі. На старце ў хрэсным ходзе прыняло ўдзел каля 800 чалавек, у заключным этапе па горадзе Мінску — 8,5 тысяч чалавек.

Напярэдадні святкавання яўлення Мінскай іконы Божай Маці Мітрапаліт Веніямін узначаліў усяночнае трыванне ў Свята-Духавым кафедральным саборы горада Мінска

25 жніўня 2026 года, напярэдадні святкавання ў гонар яўлення Мінскай іконы Божай Маці, Патрыяршы Экзарх усяе Беларусі Мітрапаліт Мінскі і Заслаўскі Веніямін і вікарый Патрыяршага Экзарха ўсяе Беларусі епіскап Нясвіжскі Аўксенцій узначалілі ўсяночнае трыванне ў Свята-Духавым кафедральным саборы горада Мінска.

Сінадальны аддзел Беларускага Экзархату па катэхізацыі правёў духоўна-асветніцкія мерапрыемствы ў выхаваўча-аздараўленчым лагеры Мінскага аддзялення Беларускай чыгункі

Мерапрыемствы, якія адбыліся ў выхаваўча-аздараўленчым лагеры Беларускай чыгункі, сталі вынікам рэалізацыі праграмы сумесных мерапрыемстваў у рамках пагаднення аб супрацоўніцтве паміж Беларускай Праваслаўнай Царквой (Беларускім Экзархатам Маскоўскага Патрыярхату) і Беларускай чыгункай, падпісанага 5 жніўня бягучага года.

Міністэрствам адукацыі зацверджана вучэбная праграма факультатыўных заняткаў «Асновы духоўна-маральнай культуры і патрыятызму» для старэйшых класаў устаноў адукацыі

Пастановай Міністэрства адукацыі Рэспублікі Беларусь зацверджана вучэбная праграма факультатыўных заняткаў» асновы духоўна-маральнай культуры і патрыятызму» для 10 (11) класа ўстаноў адукацыі, якія рэалізуюць адукацыйныя праграмы агульнай сярэдняй адукацыі, з беларускай і рускай мовамі навучання і выхавання.

У Лядзенскім мужчынскім манастыры Благавешчання Прасвятой Багародзіцы ўпершыню прайшоў духоўны фестываль «Адраджэнне»

19 жніўня 2026 года, у свята Праабражэння Гасподняга і дзень 32-годдзя адраджэння Лядзенскага мужчынскага манастыра, на тэрыторыі манастыра ўпершыню прайшоў духоўны фестываль «Адраджэнне», прысвечаны адраджэнню традыцый і гісторыі Смалявіцкага краю. Праграма аб'яднала богаслужэнне, выставы, кірмаш народных майстроў і канцэрт духоўнай музыкі.

У свята Праабражэння Гасподняга Патрыяршы Экзарх узначаліў прастольную ўрачыстасць кафедральнага сабора горада Заслаўя

19 жніўня 2026 года, у свята Праабражэння Госпада Бога і Спаса нашага Іісуса Хрыста, Мітрапаліт Мінскі і Заслаўскі Веніямін, Патрыяршы Экзарх усяе Беларусі, здзейсніў Бажэственную літургію ў кафедральным саборы Праабражэння Гасподняга горада Заслаўя. Па заканчэнні богаслужэння архіпастыр узначаліў хрэсны ход і асвяціў плады новага ўраджаю.