25 мая ў Петра-Паўлаўскім саборы Мінска будзе здзейснена паніхіда па Максіму Багдановічу

25 мая споўніцца 100 гадоў з дня смерці вялікага беларускага паэта Максіма Багдановіча. У гэты дзень па ім будзе здзейснена паніхіда ў саборы апосталаў Пятра і Паўла горада Мінска. Пачатак памінальнага набажэнства ў 14:30.

Пралайф-марафон «15 дзён у абарону жыцця» праходзіць у Гродне

Арганізатары запрашаюць усіх неабыякавых на сумесную малітву аб абароне жыцця ненароджаных немаўлят і акцыю «Свечка памяці». Акцыя будзе праходзіць на пляцоўцы ля Пакроўскага кафедральнага сабора з 14 мая па 1 чэрвеня, па суботах і нядзелях.

Мінскае духоўнае вучылішча абвяшчае прыём навучэнцаў

Мінскае духоўнае вучылішча абвяшчае прыём навучэнцаў на дзённую, завочную і вячэрнюю формы навучання. У вучылішчы дзейнічаюць аддзяленні: званароў, катэхізатараў, рэгенцка-пеўчае. Прымаюцца асобы праваслаўнага веравызнання.

Напярэдадні свята свяціцеля Мікалая Цудатворца дэлегацыя Бабруйскай епархіі здзейсніла паломніцтва ў Бары

22 мая ў бабруйскім кафедральным саборы свяціцеля Мікалая адбудуцца ўрачыстасці з нагоды прастольнага свята і 10-годдзя з дня вялікага асвячэння адроджанага сабора. Удзельнікі усяночнага трывання напярэдадні свята будуць памазаны мірам ад мошчаў свяціцеля Мікалая Цудатворца.

Архіепіскап Віцебскі і Аршанскі Дзімітрый сустрэўся з Апостальскім нунцыем у Рэспубліцы Беларусь арцыбіскупам Габарам Пінтэрам

Сустрэча іерархаў прайшла ў рамках трохдзённага візіту Апостальскага нунцыя ў Віцебскую вобласць. Гэта першая паездка арцыбіскупа Габара Пінтэра у паўночны рэгіён Беларусі.

З 22 па 26 мая ў Мінску адбудуцца XXIII Міжнародныя Кірыла-Мяфодзіеўскія чытанні

У гэтым годзе форум прысвячаецца 500-годдзю беларускага і ўсходнеславянскага кнігадрукавання. Тэма чытанняў: «Рэлігія і пісьменства як фактары фарміравання славянскай культуры». Урачыстае адкрыццё чытанняў адбудзецца 22 мая ў 15:00 у канферэнц-зале Нацыянальнай бібліятэкі Беларусі.

Архіерэйскі хор Свята-Духава кафедральнага сабора горада Мінска стаў лаўрэатам першай прэміі фестывалю «Гайнаўскія дні царкоўнай музыкі»

Фестываль, які адлічвае сваю гісторыю з 1981 года, прайшоў ўжо ў 36-ы раз. За права першынства спаборнічалі 30 хораў з Польшчы, Беларусі, Украіны, Расіі, Румыніі, Грузіі.

Прадстаўнікі Беларускай Праваслаўнай Царквы прынялі ўдзел у трэцяй інтэрнэт-канферэнцыі праваслаўных моладзевых арганізацый Еўропы

Канферэнцыя была прысвечана пытанням арганізацыі пры ўдзеле Рускай Праваслаўнай Царквы летняга адпачынку дзяцей і падлеткаў. Кіраўнікі епархіяльных моладзевых аддзелаў падзяліліся вопытам і абмеркавалі праблемы арганізацыі дзіцячага і моладзевага адпачынку розных фарматаў.

Веласіпедны эка-марафон адбыўся ў Гомельскай епархіі

Па веласіпедных маршрутах калона, якая складаецца з 10 чалавек, рушыла ў прыгарад Гомеля. Там усе прысутныя за сяброўскай гутаркай змаглі ўнесці свой уклад у выратаванне роднай зямлі, прыбраўшы смецце, пакінутае нядобрасумленнымі турыстамі.

Дабрачынны турнір па міні-футболе на кубак Георгія Перамаганосца прайшоў у Нясвіжы

Спартыўнае спаборніцтва праводзілася дзеля таго, каб дапамагчы маленькай нясвіжанцы пачуць гэты свет. У 2,5 года Марыі Бянько паставілі дыягназ «двухбаковая хранічная нейрасэнсорная глухаватасць 4-й ступені». За два тыдні неабходна было тэрмінова купіць спецыяльны дзіцячы слыхавы апарат, каб паспець да таго моманту, калі дзіця канчаткова страціць магчымасць чуць.

Епіскап Гомельскі і Жлобінскі Сцяфан узначаліў Літургію пад адкрытым небам на тэрыторыі былога Макар'еўскага манастыра

Да 1928 года на Гомельшчыне дзейнічаў жаночы манастыр у гонар свяшчэннамучаніка Макарыя Кіеўскага. Багаборцы зачынілі манастыр, перадаўшы яго будынак мясцоваму саўгасу. Пасля гэтага манастыр так і не быў адроджаны. Упершыню за 89 гадоў на месцы, дзе стаяла абіцель, было здзейснена богаслужэнне.

У складзе Барысаўскай епархіі ўтворана новае благачынне

У суботу 13 мая 2017 года на сходзе духавенства Смалявіцкага благачыння епіскап Барысаўскі і Мар'інагорскі Веніямін абвясціў указы аб падзеле Смалявіцкай благачынніцкай акругі і паведаміў аб зменах, звязаных з гэтым пераўтварэннем.

У Нядзелю пра самаранку Патрыяршы Экзарх здзейсніў Літургію ў Свята-Духавым кафедральным саборы горада Мінска

14 мая, у Нядзелю 5-ю пасля Пасхі, пра самаранку, мітрапаліт Мінскі і Заслаўскі Павел, Патрыяршы Экзарх усяе Беларусі, здзейсніў Бажэственную літургію ў Свята-Духавым кафедральным саборы горада Мінска.

Епіскап Барысаўскі і Мар'інагорскі Веніямін асвяціў крыж і купал для храма, які будуецца ў Азярыцкай Слабадзе

У суботу 13 мая 2017 года епіскап Барысаўскі і Мар'інагорскі асвяціў крыж для званіцы храма Пакрова Прасвятой Багародзіцы, які будуецца ў аграгарадку Азярыцкая Слабада.

Напярэдадні Нядзелі пра самаранку Патрыяршы Экзарх здзейсніў усяночнае трыванне ў Свята-Духавым кафедральным саборы горада Мінска

13 мая, напярэдадні Нядзелі 5-й пасля Пасхі, пра самаранку, мітрапаліт Мінскі і Заслаўскі Павел, Патрыяршы Экзарх усяе Беларусі, здзейсніў усяночнае трыванне ў Свята-Духавым кафедральным саборы горада Мінска.