У Мінску пройдуць Чацвёртыя Беларускія Калядныя чытанні «Моладзь: свабода і адказнасць»

Па благаславенню мітрапаліта Мінскага і Заслаўскага Паўла, Патрыяршага Экзарха ўсяе Беларусі, 29-30 лістапада пройдуць чацвёртыя Беларускія Калядныя чытанні «Моладзь: свабода і адказнасць». Заяўкі на ўдзел і матэрыялы дакладаў прымаюцца да 19 лістапада.

У выдавецтве Мінскай духоўнай семінарыі выйшаў зборнік матэрыялаў XVI семінара студэнтаў ВНУ Беларусі

20 лістапада па благаславенню рэктара Мінскай духоўнай семінарыі архіепіскапа Навагрудскага і Слонімскага Гурыя выдавецтвам семінарыі быў выпушчаны зборнік матэрыялаў XVI семінара студэнтаў вышэйшых навучальных устаноў Рэспублікі Беларусь «Рэлігія і навука ў XXI стагоддзі: перспектывы дыялогу», які праходзіў 24-25 лістапада 2017 года. У склад зборніка ўключаны 131 даклад удзельнікаў форуму, якія выступалі ў рамках пленарнага пасяджэння, дзевяці тэматычных секцый, а таксама прадставілі свае паведамленні ў секцыі завочнага ўдзелу.

Адбылася нарада кіраўнікоў епархіяльных моладзевых аддзелаў Беларускай Праваслаўнай Царквы

Арганізатарам нарады выступіў старшыня Сінадальнага аддзела па справах моладзі Беларускага Экзархату протаіерэй Іаан Задарожын. Ганаровым госцем сустрэчы стаў В. а. старшыні Сінадальнага аддзела па справах моладзі Рускай Праваслаўнай Царквы протаіерэй Кірыл Сладкоў.

У Мінску адзначаць 30-годдзе сястрынскага служэння на тэрыторыі Беларусі

24 лістапада па благаславенню мітрапаліта Мінскага і Заслаўскага Паўла, Патрыяршага Экзарха ўсяе Беларусі, адбудзецца ўрачысты Агульны сход Саюза сястрыцтваў міласэрнасці Беларускай Праваслаўнай Царквы, прысвечаны 30-годдзю сястрынскага служэння ў Беларусі. Мерапрыемства пройдзе ў Духоўна-адукацыйным цэнтры Беларускай Праваслаўнай Царквы з 10:00 да 18:00.

Канферэнцыя ў гарнізонным саборы Брэсцкай крэпасці сабрала навукоўцаў з Беларусі, Польшчы і Расіі

У рамках урачыстасцяў у гонар 370-годдзя пакутніцкага скону прападобнамучаніка Афанасія Брэсцкага ў гарнізонным саборы свяціцеля Мікалая Цудатворца ў Брэсцкай крэпасці адбылася Міжнародная навукова-практычная канферэнцыя «Праваслаўе ў духоўным жыцці Беларусі».

Архіепіскап Гомельскі Сцяфан ўзнёс малітвы аб пацярпелых у дарожных аварыях

Кожную трэцюю нядзелю лістапада ў адпаведнасці з рэзалюцыяй Генеральнай Асамблеі ААН адзначаецца Сусветны дзень памяці ахвяр дарожна-транспартных здарэнняў. Сёлета гэтая дата выпала на 18 лістапада. Здзяйсняючы праскамідыю ў храме свяціцеля Мікалая Цудатворца вёскі Жалезнікі, архіепіскап Гомельскі і Жлобінскі Сцяфан узнёс малітву аб пацярпелых у ДТЗ.

У Мінскай духоўнай акадэміі адбылася навуковая канферэнцыя з удзелам прадстаўнікоў Беларусі, Расіі і Польшчы

15 лістапада ў Мінскай духоўнай акадэміі адбылася III Міжнародная навуковая канферэнцыя «Царкоўная навука ў пачатку трэцяга тысячагоддзя: актуальныя праблемы і перспектывы развіцця».

У Гродзенскім гарвыканкаме прайшла сустрэча духавенства Гродзенскай епархіі і кіраўніцтва горада

15 лістапада ў Гродзенскім гарадскім выканаўчым камітэце адбылася сустрэча архіепіскапа Арцемія і настаяцеляў гарадскіх храмаў з мэрам Гродна Мечыславам Гоем і прадстаўнікамі ўлады абласнога цэнтра.

Прадстаўнікі Беларускай Праваслаўнай Царквы прынялі ўдзел у міжнароднай канферэнцыі «Апека Царквы над псіхічнахворымі»

У Маскве прайшла міжнародная канферэнцыя «Апека Царквы над псіхічнахворымі», у якой па благаславенню Патрыяршага Экзарха прынялі ўдзел старшыня Сінадальнага аддзела па сацыяльнаму служэнню БПЦ протаіерэй Кірыл Шолкаў і выканаўчы сакратар Саюза сястрыцтваў міласэрнасці БПЦ Алена Зянкевіч.

Патрыяршы Экзарх усяе Беларусі ўзяў удзел у працы Шостага Міжнароднага форуму «Святасць мацярынства»

14 лістапада ў Малой зале Палаца Рэспублікі ў горадзе Мінску адбылося ўрачыстае адкрыццё Шостага Міжнароднага форуму «Святасць мацярынства», прысвечанага тэме «Сям'я ў сучасным свеце: Значэнне, тэндэнцыі і перспектывы».

Пастырская канферэнцыя «Мітрапаліт Іосіф (Сямашка). Жыццё і дзейнасць» прайшла ў Гомелі

Пра жыццёвы шлях мітрапаліта-ўз'яднацеля прысутным распавяла дацэнт кафедры гісторыі Беларусі новага і найноўшага часу Беларускага дзяржаўнага ўніверсітэта, прафесар Мінскай духоўнай акадэміі, кандыдат гістарычных навук Валянціна Анатольеўна Цяплова.

У Мінску пройдуць «Сужэнскія сустрэчы»

Закрыты семінар «Сужэнскія сустрэчы» пройдзе 23-25 лістапада ў Мінску ў паломніцкім цэнтры «Елисаветинский». Праграма ўключае дванаццаць тэматычных сустрэч. Яна дапамагае сужэнцам лепш зразумець пачуцці адзін аднаго, а таксама вучыць будаваць дыялог у сям'і і знаходзіць выхады з канфліктных сітуацый.

8-ы маладзёжны адукацыйны форум «QUO VADIS?» запрашае ўдзельнікаў

23-25 лістапада на базе адпачынку «Купалінка» пад Гродна адбудзецца 8-ы маладзёжны адукацыйны форум «QUO VADIS?», які арганізуецца Сінадальным аддзелам па справах моладзі Беларускай Праваслаўнай Царквы сумесна з аддзелам па справах моладзі Гродзенскай епархіі і пры падтрымцы Сінадальнага аддзела па справах моладзі Украінскай Праваслаўнай Царквы.

Прадстаўнікі Міністэрства працы і сацабароны прынялі ўдзел у будаўніцтве праваслаўнага храма ў Мінску

10 лістапада на будаўнічай пляцоўцы храма іконы Божай Маці «Усецарыца» па вуліцы Чыгуначнай у Мінску прайшоў суботнік з удзелам прадстаўнікоў Міністэрства працы і сацыяльнай абароны Рэспублікі Беларусь. Узначалілі дэлегацыю работнікаў Мінпрацы першы намеснік міністра Андрэй Лабовіч і намеснік міністра Аляксандр Румак.

У Брэсце прайшоў II Афанасьеўскі інтэлектуальны турнір

6 лістапада ў абласным цэнтры маладзёжнай творчасці горада Брэста адбыўся II Афанасьеўскі інтэлектуальны турнір сярод навучэнцаў нядзельных школ Брэсцкай епархіі, прысвечаны 220-годдзю з дня нараджэння і 150-годдзю з дня смерці мітрапаліта Віленскага і Літоўскага Іосіфа (Сямашкі).