У МінДС выступіў з лекцыямі прафесар Санкт-Пецярбургскай духоўнай акадэміі Міхаіл Шкароўскі

Лекцыі М. В. Шкароўскага былі прысвечаны гісторыі расійскай царкоўнай іміграцыі ў ХХ стагоддзі, становішчу Праваслаўнай Царквы на акупаванай тэрыторыі Беларусі ў гады Другой сусветнай вайны, а таксама подзвігу навамучанікаў і вызнаўцаў Рускай Праваслаўнай Царквы.

Мінская духоўная акадэмія аб'яўляе набор у магістратуру і аспірантуру на 2017/2018 навучальны год

Мінская духоўная акадэмія аб'яўляе набор у магістратуру і аспірантуру на 2017/2018 навучальны год. Дакументы прымаюцца з 3 па 14 ліпеня, а экзамены пройдуць з 17 па 21 ліпеня.

У Мінскай духоўнай акадэміі пройдуць Першыя чытанні памяці протаіерэя Іаана Грыгаровіча

16 мая кафедра царкоўнай гісторыі і царкоўна-практычных дысцыплін Мінскай духоўнай акадэміі правядзе навукова-практычную канферэнцыю — Першыя чытання памяці протаіерэя Іаана Грыгаровіча (1792 — 1852), гісторыка, археографа, археолага.

Кафедра царкоўнай гісторыі Мінскай духоўнай семінарыі правяла студэнцкую канферэнцыю

16 сакавіка ў актавай зале Мінскай духоўнай семінарыі пад старшынствам загадчыка кафедры царкоўнай гісторыі протаіерэя Аляксандра Раманчука адбылася студэнцкая канферэнцыя.

Падведзены вынікі дзейнасці Хрысціянскага адукацыйнага цэнтра за 2016 год

На пасяджэнні Праўлення МГА «Хрысціянскі адукацыйны цэнтр імя святых Мяфодзія і Кірыла», які прайшоў пад старшынствам свяшчэнніка Святаслава Рагальскага, былі падведзены вынікі дзейнасці Цэнтра за мінулы год, а таксама разгледжаны пытанні, звязаныя з арганізацыяй маючых адбыцца мерапрыемстваў.

Студэнты-тэолагі правялі лекцыю для старшакласнікаў Заслаўскай гімназіі

15 сакавіка выязны лекторый Музея Бібліі Інстытута тэалогіі БДУ адбыўся ў Заслаўі. Па запрашэнні благачыннага 2-ой Мінскай раённай царкоўнай акругі протаіерэя Мікалая Мазгова студэнты Кірыл Корбут, Юлія Зыранова і Давід Балакай правялі лекцыю ў Заслаўскай гімназіі.

Епіскап Маладзечанскі і Стаўбцоўскі Павел сустрэўся з навучэнцамі і педагогамі дзяржаўнага музычнага каледжа

15 сакавіка епіскап Маладзечанскі і Стаўбцоўскі Павел наведаў установу адукацыі «Маладзечанскі дзяржаўны музычны каледж імя М. К. Агінскага». Уладыку сустрэў дырэктар каледжа Рыгор Сямёнавіч Сарока.

Пры акадэмічным храме МінДА пачынае працу прыходскі арт-лекторый

19 сакавіка, у Крыжапаклонную Нядзелю, у 11:00 у актавай зале Мінскай духоўнай акадэміі пройдзе публічная лекцыя «Выява крыжа ў хрысціянскай традыцыі». Мерапрыемства пакладзе пачатак працы прыходскага арт-лекторыя пры акадэмічным храме свяціцеля Кірыла Тураўскага.

У Жыровічах малітоўна ўшанавалі 145-годдзе з дня смерці протаіерэя Плакіда Янкоўскага

11 сакавіка па благаславенню рэктара Мінскай духоўнай семінарыі архіепіскапа Навагрудскага і Слонімскага Гурыя адбылося памятнае мерапрыемства, прысвечанае 145-годдзю з дня смерці аднаго з першых прафесараў духоўнай семінарыі ў Жыровічах протаіерэя Плакіда Янкоўскага (1810-1872).

Адбылася ХV Нарада праваслаўных сектазнаўцаў Беларусі

У Нарадзе прынялі ўдзел прадстаўнікі дванаццаці епархій Беларускай Праваслаўнай Царквы. На сустрэчы абмяркоўваліся пытанні гісторыі, веравучэння і рытуальнай практыкі сучаснага неаязычніцтва, а таксама некаторыя аспекты вучэння і метадаў працы пяцідзесятнікаў.

У Вілейцы прайшла канферэнцыя «Хрысціянская сімволіка ў пісьмовых крыніцах»

У мерапрыемстве прынялі ўдзел святары благачыння, прадстаўнікі адміністрацыі горада, устаноў культуры і адукацыі, прыхаджане. У якасці лектараў выступілі выкладчыкі Мінскай духоўнай акадэміі.

Студэнты-тэолагі правялі адкрыты ўрок у сярэдняй школе № 191 горада Мінска

2 сакавіка студэнты 4-га курса Інстытута тэалогіі Беларускага дзяржаўнага ўніверсітэта Кірыл Корбут і Лізавета Чахоўская правялі ў сярэдняй школе № 191 горада Мінска адкрыты ўрок на тэму «Сям'я — дар Божы».

Загадчыку кафедры апалагетыкі МінДА прысуджана вучоная ступень кандыдата сацыялагічных навук

Прэзідыум Вышэйшай атэстацыйнай камісіі Рэспублікі Беларусь зацвердзіў рашэнне савета па абароне дысертацый аб прысуджэнні вучонай ступені кандыдата сацыялагічных навук Уладзіміру Марціновічу, загадчыку кафедры апалагетыкі Мінскай духоўнай акадэміі, доктару тэалогіі Венскага ўніверсітэта.

Студэнты-тэолагі правялі лекцыю для ўсіх старшакласнікаў школ Ганцавіцкага раёна

25 лютага выязны лекторый Музея Бібліі Інстытута тэалогіі Беларускага дзяржаўнага ўніверсітэта адбыўся ў горадзе Ганцавічы. Студэнты Інстытута тэалогіі распавялі аб перакладах Бібліі на беларускую мову і аб развіцці біблеістыкі ў XXI стагоддзі.

Патрыяршы Экзарх узначаліў чарговае пасяджэнне Савета Інстытута тэалогіі Беларускага дзяржаўнага ўніверсітэта

24 лютага пад старшынствам мітрапаліта Мінскага і Заслаўскага Паўла, Патрыяршага Экзарха ўсяе Беларусі, рэктара Інстытута тэалогіі Беларускага дзяржаўнага ўніверсітэта, адбылося чарговае пасяджэнне Савета Інстытута тэалогіі.