Падпісана пагадненне аб супрацоўніцтве паміж Брэсцкім абласным выканаўчым камітэтам і Брэсцкай і Пінскай епархіямі Беларускай Праваслаўнай Царквы на 2021-2025 гады
18 жніўня 2021
17 жніўня 2021 года ў Брэсце адбылося падпісанне праграмы супрацоўніцтва на 2021-2025 гады паміж Брэсцкім абласным выканаўчым камітэтам і Брэсцкай і Пінскай епархіямі Беларускай Праваслаўнай Царквы.
Свае подпісы пад дакументам паставілі правячыя архірэі — архіепіскап Пінскі і Лунінецкі Сцяфан, архіепіскап Брэсцкі і Кобрынскі Іаан і старшыня Брэсцкага аблвыканкама Юрый Вітольдавіч Шулейка.
Гэта ўжо чацвёртае па ліку падобнае пагадненне, якое прадугледжвае ўзаемадзеянне дзяржаўных органаў кіравання і рэлігійных арганізацый БПЦ па розных напрамках. Культура, сацыяльная абарона, садзейнічанне ўмацаванню сям'і, мацярынства і дзяцінства, выхаванне і адукацыя, прафілактыка правапарушэнняў — бакі дамовіліся аб'яднаць намаганні ў гэтых і іншых сферах для вырашэння актуальных сацыяльных задач.
У сустрэчы прынялі ўдзел клірыкі дзвюх епархій, кіраўнікі структурных падраздзяленняў аблвыканкама.
Афіцыйны партал Беларускай праваслаўнай Царквы
© Беларуская Праваслаўная Царква 2019
Пры перадруку матэрыялаў спасылка на church.by абавязковая.
Калі вы хочаце задаць пытанне ці выказаць свае меркаванне з нагоды сайта або артыкулаў,
напішыце нам, скарыстаўшыся паштовай формай.
