Рэспубліканскі семінар «Гісторыя Праваслаўя роднага краю: вопыт і методыка вывучэння» адбыўся ў Мінску

Арганізатарам семінара выступіў Сінадальны аддзел рэлігійнай адукацыі і катэхізацыі Беларускай Праваслаўнай Царквы, саарганізатарамі — Нацыянальная бібліятэка Беларусі і Рэспубліканскі цэнтр экалогіі і краязнаўства Міністэрства адукацыі Рэспублікі Беларусь.

Акцыя «Захаваем Святыню» прайшла ў Чашніцкім благачынні Віцебскай епархіі

Больш за 30 чалавек рознага ўзросту аб'яднала адна мэта — навесці парадак вакол паўразбуранага Нікольскага храма ў вёсцы Браздзецкая Слабада Чашніцкага раёна, пабудаванага ў другой палове XIX стагоддзя. Пасля Другой сусветнай вайны ад храма засталіся адны сцены, але жыхары вёскі не губляюць надзеі на яго адраджэнне.

У Гомельскай епархіі адбудзецца адкрыты моладзевы турнір па інтэлектуальных гульнях «ФАВОР»

Па благаславенню мітрапаліта Мінскага і Заслаўскага Паўла, Патрыяршага Экзарха ўсяе Беларусі, у Гомельскай епархіі з 14 па 17 мая адбудзецца шосты адкрыты Міжнародны турнір па інтэлектуальных гульнях «ФАВОР» для школьнікаў — знаўцаў асноў хрысціянскай культуры.

Стагоддзе з дня пакутніцкай смерці свяшчэннамучаніка Канстанціна Жданава адзначаць у Полацкай епархіі

Па благаславенню архіепіскапа Полацкага і Глыбоцкага Феадосія на тэрыторыі Полацкай епархіі з 29 красавіка па 16 мая пройдуць урачыстасці, прысвечаныя ўшанаванню памяці подзвігу свяшчэннамучаніка Канстанціна Жданава, прасвітара Шаркаўшчынскага (1875 — 1919).

Адкрыўся афіцыйны акаўнт Гродзенскай епархіі ў Instagram

Па благаславенню архіепіскапа Гродзенскага і Ваўкавыскага Арцемія 7 красавіка адбылося адкрыццё афіцыйнага акаўнта Гродзенскай епархіі ў сацыяльнай сетцы Instagram. Епархія запрашае ўсіх жадаючых падпісвацца, пакідаць свае лайкі і каментарыі.

Стартаваў конкурс літаратурна-даследчых работ «Праваслаўныя святыя і святыні Барысаўскай епархіі»

Па благаславенню епіскапа Барысаўскага і Мар'інагорскага Веніяміна ў сувязі з 5-годдзем утварэння Барысаўскай епархіі, а таксама ў сувязі з 35-годдзем устанаўлення святкавання Сабора Беларускіх святых і 20-годдзем устанаўлення святкавання Сабора навамучанікаў і вызнаўцаў зямлі Беларускай праводзіцца конкурс літаратурна-даследчых работ «Праваслаўныя святыя і святыні Барысаўскай епархіі».

Епархіяльны Дзень праваслаўнай кнігі адзначылі ў Маладзечанскай епархіі

Па благаславенню епіскапа Маладзечанскага і Стаўбцоўскага Паўла ў Палацы культуры горада Вілейкі адбылося епархіяльнае святкаванне Дня праваслаўнай кнігі пад агульнай тэмай «Мітрапаліт Іосіф (Сямашка) і Полацкі аб'яднальны сабор 1839 года».

У Гомелі прайшла канферэнцыя «Традыцыі міласэрнасці і дабрачыннасці ў Царкве і грамадстве»

Канферэнцыя «Традыцыі міласэрнасці і дабрачыннасці ў Царкве і грамадстве», прысвечаная апошняй гомельскай княгіні Ірыне Іванаўне Паскевіч, адбылася па благаславенню архіепіскапа Гомельскага і Жлобінскага Сцяфана.

У сераду пятага тыдня Вялікага посту Патрыяршы Экзарх здзейсніў утраню з чытаннем Вялікага канона прападобнага Андрэя Крыцкага ў Свята-Духавым кафедральным саборы горада Мінска

10 красавіка, у сераду пятага тыдня Вялікага посту, мітрапаліт Мінскі і Заслаўскі Павел, Патрыяршы Экзарх усяе Беларусі, здзейсніў утраню з чытаннем Вялікага канона прападобнага Андрэя Крыцкага ў Свята-Духавым кафедральным саборы горада Мінска.

У галоўным храме беларускай сталіцы адбыўся канцэрт «Багародзіца Дзева, радуйся!»

7 красавіка, у свята Благавешчання Прасвятой Багародзіцы, у Свята-Духавым кафедральным саборы горада Мінска ў рамках праекта «Пойте Господеві вся земля» адбыўся вялікапосны канцэрт «Багародзіца Дзева, радуйся!»

Патрыяршы Экзарх здзейсніў чын асвячэння званоў для званіцы Усіхсвяцкага храма горада Мінска

9 красавіка, у панядзелак 5-га тыдня Вялікага посту, мітрапаліт Мінскі і Заслаўскі Павел, Патрыяршы Экзарх усяе Беларусі, здзейсніў чын асвячэння званоў для званіцы Усіхсвяцкага храма горада Мінска.

Мітрапаліт Павел здзейсніў чын асвячэння крыжа на купал будуемага храма ў гонар страстацерпца Яўгена Боткіна у горадзе Мінску

9 красавіка, у аўторак 5-га тыдня Вялікага посту, мітрапаліт Мінскі і Заслаўскі Павел, Патрыяршы Экзарх усяе Беларусі, здзейсніў чын асвячэння крыжа на купал будуемага храма ў гонар святога праведнага страстацерпца Яўгена Боткіна ў горадзе Мінску.

У Жодзіне адбыўся епархіяльны семінар, прысвечаны 180-годдзю Полацкага сабора

На семінары прысутнічаў епіскап Барысаўскі і Мар'інагорскі Веніямін. Адным з дакладчыкаў стаў прафесар Беластоцкага ўніверсітэта (Польшча), доктар гістарычных навук Антон Мірановіч.

У Нацыянальным музеі Ліхтэнштэйна праходзіць выстава беларускіх ікон

Да 10 чэрвеня ў Нацыянальным музеі Ліхтэнштэйна праходзіць выстава беларускіх абразоў XVII-XIX стагоддзяў з калекцыі Нацыянальнага мастацкага музея Рэспублікі Беларусь. Беларускія іконы ў Ліхтэнштэйне паказваюць упершыню, таму ў пэўным сэнсе гэтую выставу можна назваць гістарычнай падзеяй.

Казачны «Церам-церамок» з'явіцца ў цэнтры Мінска

Арганізатары фестывалю «Радасць» напярэдадні Вялікадня падораць маленькім мінчанам і іх бацькам казачную творчую прастору. Яна будзе дзейнічаць у Палацы мастацтва ў дні правядзення фестывалю з 11 па 21 красавіка.