Праваслаўныя добраахвотнікі прынялі ўдзел у добраўпарадкаванні тэрыторыі мемарыяла вайсковай славы паблізу Астрашыцкага Гарадка

Акцыя, праведзеная напярэдадні Дня Перамогі, аб'яднала розных людзей. У лік яе ўдзельнікаў ўвайшлі сёстры міласэрнасці з сястрынства блажэннай Валянціны Мінскай вёскі Ляскоўка Мінскага раёна, а таксама свяшчэннік Сергій Ляшкевіч.

Добрая вестка аб Уваскрасенні Хрыстовым прагучала ў сценах дзесяці псіханеўралагічных інтэрнатаў Мінскай вобласці

Арганізатарам велікодных экспедыцый стала брацтва свяціцеля Спірыдона Трыміфунцкага (Заслаўе). Братчыкі не толькі раздавалі людзям, якія пражываюць у інтэрнатах, велікодныя гасцінцы, але і рыхтавалі святочныя канцэртныя праграмы на 3-4 гадзіны.

Рэабілітацыйны цэнтр «Анастасіс» запрашае ўсіх жадаючых на Дзень адчыненых дзвярэй

Сустрэча адбудзецца 13 мая. Наведванне асабліва рэкамендуецца родным і блізкім асоб, якія маюць наркатычную ці алкагольную залежнасць. У праграме — агульная малітва, святочная трапеза, практычныя заняткі з новапрыбылымі залежнымі і іх роднымі.

У салігорскім кафедральным саборы была здзейсненая Літургія для выхаванцаў ЦКРНіР

Богаслужэнне ўзначаліў іерэй Дзмітрый Ляўчук, клірык прыхода святой вялікамучаніцы Варвары горада Салігорска. Усе прысутныя дзеці прычасціліся Святых Хрыстовых Тайн.

Выйшаў чарговы выпуск часопіса «Веснік турэмнага служэння Беларускай Праваслаўнай Царквы»

У нумары — навіны пастырскага турэмнага служэння ў розных кутках Беларусі, гістарычны нарыс аб брэсцкай турме «На Брыгітках», агляд падзей з вобласці міжцаркоўнага супрацоўніцтва ў галіне хрысціянскай дапамогі асуджаным.

«Яго нельга было не любіць». У Мінску адбылася сустрэча ў памяць аб архіепіскапе Вроцлаўскім Іераміі

27 красавіка ў мінскім прыходзе ў гонар іконы Божай Маці «Усіх тужлівых Радасць» адбылася сустрэча ў памяць аб архіепіскапе Вроцлаўскім і Шчэцінскім Іераміі, які адышоў да Госпада ў ноч з 16 на 17 красавіка пасля доўгай цяжкай хваробы.

Архіепіскап Брэсцкі Іаан пабываў з візітам у сацыяльных установах Брэста

26-27 красавіка архіепіскап Брэсцкі і Кобрынскі Іаан наведаў шэраг сацыяльных устаноў Брэста, дзе павіншаваў дзяцей і адзінокіх састарэлых людзей са святам Уваскрасення Хрыстовага і ўручыў ім падарункі.

Епіскап Серафім Бабруйскі: Стараюся, каб адносіны ў епархіі былі брацкімі, як у сям'і

У велікодныя красавіцкія дні 2017 года споўнілася 10 гадоў з дня архіерэйскай хіратоніі епіскапа Бабруйскага і Быхаўскага Серафіма. Пра пройдзены за гэты час шлях уладыка распавёў у інтэрв'ю кіраўніку епархіяльнага прэс-сакратарыята іераманаху Дзімітрыю (Мамонаву).

Архіепіскап Навагрудскі Гурый сустрэўся з людзьмі, якія маюць інваліднасць

Архіепіскап Навагрудскі і Слонімскі Гурый сустрэўся з падапечнымі Слонімскага цэнтра сацыяльнага абслугоўвання насельніцтва. Сустрэча прайшла ў нядзельнай школе пры Свята-Троіцкім саборы. Кожны госць атрымаў ад архіпастыра падарунак.

30 красавіка ў актавай зале МінДА будзе паказана велікодная мініяцюра «Міраносіцы»

Удзельнікі свята змогуць набыць сувеніры, вырабленыя падапечнымі Беларускай асацыяцыі дапамогі дзецям-інвалідам і маладым інвалідам. Сабраная дапамога будзе перададзена кіраўніцтвам і студэнтамі акадэміі сем'ям, якія выхоўваюць дзяцей і маладых людзей з інваліднасцю.

Вечар памяці архіепіскапа Гомельскага Арыстарха (Станкевіча) прайшоў у Мазыры

У ходзе мерапрыемства сваімі ўспамінамі аб спачылым уладыку падзяліўся епіскап Тураўскі і Мазырскі Леанід, архіерэйскае служэнне якога ў якасці вікарыя Гомельскай епархіі пачыналася пад свяціцельскім амафорам архіепіскапа Арыстарха.

У 31-ю гадавіну аварыі на Чарнобыльскай АЭС у Мінску малітоўна памянулі ахвяр катастрофы

Па благаславенню Патрыяршага Экзарха благачынны 3-ай Мінскай гарадской акругі протаіерэй Мікалай Коржыч здзейсніў памінальную ліцію па загінуўшых ліквідатарах наступстваў аварыі і ўсіх сканаўшых пасля катастрофы.

Мітрапалічы хор Мінскага Свята-Духава кафедральнага сабора атрымаў гран-пры VIII Рэспубліканскага фестывалю харавога мастацтва «Ад Шчырага сэрца»

22 красавіка ў Палацы культуры ААТ «БелАЗ» (Жодзіна) адбыўся VIII Рэспубліканскі фестываль харавога мастацтва «Ад Шчырага сэрца». У гэтым годзе на фестывальную сцэну выйшлі хоры і ансамблі з Наваполацка, Віцебска, Гродзенскай вобласці, Мінска, Барысава.

Протаіерэй Сергій Лепін: На памерлых таксама распаўсюджваецца запаведзь аб любві

Напярэдадні Радаўніцы карэспандэнт часопіса «Врата небесные» пагутарыў з доктарам тэалогіі, старшынёй Сінадальнага інфармацыйнага аддзела Беларускай Праваслаўнай Царквы протаіерэем Сергіем Лепіным. Church.by публікуе пашыраную версію інтэрв'ю.

102 насельнікі Клецкага псіханеўралагічнага інтэрната прычасціліся Святых Хрыстовых Тайн

21 красавіка протаіерэй Андрэй Гладкі, настаяцель прыхода храма Пакрова Прасвятой Багародзіцы ў горадзе Клецку, пры падтрымцы кіраўніка брацтва свяціцеля Спірыдона Трыміфунцкага (Заслаўе) Сяргея Доўгаля здзейсніў Прычашчэнне насельнікаў Клецкага псіханеўралагічнага інтэрната, размешчанага ў аграгарадку Даматканавічы.