Пошук

Патрыяршы Экзарх усяе Беларусі ўзначаліў урачыстасці з нагоды дня памяці мучаніцкай смерці прападобнамучаніка Афанасія, ігумена Брэсцкага [+відэа]

18 верасня 2026

18 верасня 2026 года ў Брэсце адбыліся ўрачыстасці з нагоды дня памяці прападобнамучаніка Афанасія, ігумена Брэсцкага, малітвеніка і апекуна Берасцейскай зямлі.

Напярэдадні, вечарам 17 верасня, архіепіскап Брэсцкі і Кобрынскі Іаан узначаліў усяночнае трыванне ў кафедральным саборы прападобнага Сімяона Стоўпніка, дзе знаходзяцца мошчы прападобнамучаніка.

Раніцай у дзень свята быў здзейснены традыцыйны хрэсны ход ад сцен сабора да Свята-Афанасіеўскага мужчынскага манастыра, заснаванага на месцы забойства святога Афанасія. У пачатку шляху ля помніка прападобнамучаніку архіепіскап Іаан узнёс малітву, папрасіўшы благаславенне на шчаснае завяршэнне шэсця.

У абіцелі Бажэственную літургію ўзначаліў Мітрапаліт Мінскі і Заслаўскі Веніямін, Патрыяршы Экзарх усяе Беларусі.

Яго Высокапраасвяшчэнству саслужылі: архіепіскап Магілёўскі і Мсціслаўскі Сафроній, архіепіскап Брэсцкі і Кобрынскі Іаан, архіепіскап Гомельскі і Жлобінскі Сцяфан, епіскап Тураўскі і Мазырскі Леанід, епіскап Барысаўскі і Мар'інагорскі Амвросій, епіскап Пінскі і Лунінецкі Георгій, сабор духавенства Брэсцкай епархіі і запрошаныя госці ў свяшчэнным сане.

Дыяканскі чын узначаліў протадыякан Уладзімір Назараў.

Богаслужэбныя спевы выканаў хор духавенства Брэсцкай епархіі пад кіраваннем протаіерэя Валерыя Грыцука.

За богаслужэннем маліліся: ігумення жаночага манастыра Нараджэння Прасвятой Багародзіцы на Шпітальным востраве Брэсцкай крэпасці ігумення Аляксандра (Жарын), ігумення жаночага манастыра Усяміласцівага Спаса ў горадзе Кобрыне ігумення Еўфрасіння (Куракевіч).

На набажэнстве прысутнічалі намеснік старшыні Брэсцкага абласнога выканаўчага камітэта Віктар Рафаловіч; старшыня Брэсцкага гарадскога выканаўчага камітэта Сяргей Лабадзінскі; старшыня Брэсцкага абласнога Савета дэпутатаў Марына Кавалеўская; кіраўнік спраў Брэсцкага абласнога выканаўчага камітэта Дзмітрый Уласік; галоўны спецыяліст аддзела ідэалагічнай работы, па справах рэлігій і нацыянальнасцяў Галоўнага ўпраўлення ідэалагічнай работы і па справах моладзі Брэсцкага абласнога выканаўчага камітэта Ксенія Серая і іншыя ганаровыя госці.

Пропаведзь перад Прычасцем прамовіў благачынны цэркваў Пружанскай акругі, настаяцель прыхода храма святога дабравернага князя Аляксандра Неўскага ў горадзе Пружаны протаіерэй Міхаіл Носка.

Пасля заамвоннай малітвы архіпастыры ўзнеслі малітву і здзейснілі слаўленне прападобнамучаніку Афанасію ля яго абраза з часцінкай мошчаў.

Архіепіскап Брэсцкі і Кобрынскі Іаан павітаў усіх прысутных на ўрачыстасці архіерэяў, духавенства, гасцей і паломнікаў, а таксама падзякаваў Патрыяршаму Экзарху за архіпастырскі візіт на Брэсцкую зямлю і малітву на месцы мучаніцкага скону святога Афанасія Брэсцкага. Кіраўнік Брэсцкай епархіі павіншаваў Мітрапаліта Веніяміна з днём нараджэння і паднёс букет кветак.

Далей слова было прадастаўлена намесніку старшыні Брэсцкага абласнога выканаўчага камітэта Віктару Рафаловічу і старшыні Брэсцкага гарадскога выканаўчага камітэта Сяргею Лабадзінскаму.

З архіпастырскім словам да вернікаў звярнуўся Прадстаяцель Беларускай Праваслаўнай Царквы.

У дар Брэсцкай епархіі Патрыяршы Экзарх паднёс факсімільнае выданне Святога Евангелля Лаўрышаўскай абіцелі, выпушчанае да 800-годдзя заснавання Свята-Елісееўскага Лаўрышаўскага мужчынскага манастыра.

Па завяршэнні святочнай трапезы адбылася цырымонія ўскладання кветак да манумента прападобнамучаніка Афанасія Брэсцкага ля кафедральнага сабора прападобнага Сімяона Стоўпніка горада Брэста.

Трансляцыя богаслужэння вялася на афіцыйным YouTube-канале Беларускай Праваслаўнай Царквы.

pravbrest.by / Church.by

Чытайце нас у мэсэнджэрах Telegram і Viber, 

сацсетках Instagram, ВКонтакте, 

Facebook і Одноклассники,

глядзіце ў YouTube і TikTok

Фотарэпартаж